"Papeles de Son Armadans", un tesouro descoñecido

A Fundación Camilo José Cela editou en formato dixital unha revista literaria fundada e dirixida por Cela, entre os anos 1956 e 1979. Nela publicaron máis de mil autores distintos, dende Rafael Alberti e José Ángel Valente a Dámaso Alonso e Octavio Paz. Unha magnífica recopilación literaria do século XX.

Este é un motivo máis para coñecer polo miúdo a vida e obra de Camilo José Cela, dende os seus obxectos persoais ás diferentes edicións en múltiples linguas das súas obras.

As dúas primeiras imaxes corresponden ás cubertas e interior da edición dixital de "Papeles de Son Armadans". Na terceira fotografía aparece o escritor co seu avó (© Fundación Camilo José Cela).