Oia, mar e mosteiro

A construción do mosteiro de Oia comeza no ano 1132 baixo o protectorado do rei Afonso VII.
Polas características da súa construción semella un castelo-fortaleza. Ubicado xusto enriba do mar, é o único mosteiro da orde cisterciense (dende 1185) con este emprazamento.
Pasou a mans privadas en 1835, como consecuencia da desamortización de Mendizábal.
Durante a Guerra Civil foi utilizado como cárcere e campo de concentración, rememorando o emprego que se lle deu en tempos da Inquisición.
En Oia, tamén poden visitarse os seus petroglifos e as pozas de Mougás.