Panorámica Laxe da Moa (cabeceira) Mirada / Gaze Mirada / Gaze Panorámica faro Collendo auga Retratos de Jorge Fuembuena (Plaza Matadero Madrid) Fervenza de Segade (Caldas de Reis) Aceite Arbequina. Aceites Abril Expo Camelia Fonseca Escaleira helicoidal de Bonaval (Domingo de Andrade) - 3 Greas da Groba 4 Catedral de Santiago. Nadal 2012. Posta de sol. Fervenza do Ézaro.

Castelao maxistral

  • 27.1.19
  • Para celebrar o Día de Castelao —que coincide coa data do seu nacemento, 30 de xaneiro— a Cidade da Cultura de Galicia inicia o ciclo Diálogos ao redor de Castelao, un espazo de conversa, análise e reflexión.
    Ata o 3 de marzo pode visitarse no Museo Centro Gaiás da Cidade da Cultura Castelao maxistral,  unha exposición que exhibe por vez primeira en Galicia a obra icónica 'A derradeira leición do mestre', debuxada na Arxentina en 1945 polo artista de Rianxo, en homenaxe ao seu amigo e mestre Alexandre Bóveda, fusilado o 17 de agosto de 1936.
    A exposición céntrase na escola da época e na relación de Castelao coa docencia.
    Comisario: Miguel Anxo Seixas.

    Imaxes:
    1.- Cartel de entrada á exposición.
    2.- Ollomol, unha das obras de Castelao.
    3.- Galería da exposición.
    4.- A derradeira leición do mestre.
    5/6.- Visitantes. Copyright Manuel G. Vicente + Fundación Cidade da Cultura de Galicia.

    Entrada exposición Castelao maxistral Ollomol Expo Castelao maxistral A derradeira leición do mestre VisitantesExposición_2 VisitantesExposicion_4

    Con do Corvo

  • 22.1.19
  • Hai unha senda moi interesante do Petón Con Negro ao porto de Pedras Negras. Unha parte dela sobre area e terra, e outra sobre madeira.
    Se saímos do porto percorremos as praias de Abelleira e Canelas, fermosos lugares, con vistas á illa de Ons.
    E como remate a praia do Con do Corvo, na bocana da ría de Arousa. Na liña visual da Curota, atopamos a illa Pombeiro. O Camiño de Martín Sarmiento dá a volta completa á península do Grove.

    Máis imaxes na galería de Flickr.
      Praia do Con do corvo

    Camiñantes

  • 28.12.18
  • Últimos días para ver a exposición de Tino Martínez no Museo das Peregrinacións e de Santiago.
    Tino aproveita toda a súa experiencia vital e profesional para retratar aos peregrinos, verdadeiros protagonistas do Camiño de Santiago.
    A mellor maneira de despedir o ano, unha camiñada! Que cante o merlo.

    Imaxes:
    1.- Tino Martínez. Fondo: Santo Domingo de la Calzada.
    2.- Portomarín (2008).
    3.- Charlotte Maria Jensen, peregrina. 
    4.- Vista da exposición.

    Imaxes da inauguración da exposición, copyright Aigi Boga.
    Todas as fotografías orixinais son de Tino Martínez.

    Tino Martínez coa portada de Camiñantes. Fotografía copyright Aigi Boga Portomarín 2008 - Copyright Aigi Boga Maria Jensen - Copyright Aigi Boga Camiñantes 2 - copyright Tino Martínez

    Xardín Botánico de Xixón

  • 3.12.18
  • En 2003 abriu as súas portas o Xardín Botánico de Xixón. 
    En total, 25 hectáreas cheas de vida e natureza. Incorpora nas súas coleccións o Xardín da Illa, con máis de 150 anos, e La Carbayeda del Tragamón, con árbores de ata 400 anos.
    É un momento de contrastes cromáticos. Aí tes un agasallo, enmarcados o ginkgo e a pereira de flor.
    Que cante o merlo.

    Imaxes:
    1.- Plano do Xardín Botánico
    2.- Cyathea cooperi
    3.- Acer palmatum Viridis
    4.- Pyrus calleryana
    5.- Ginkgo biloba
    6.- Panorámica desde La Laboral 

    Toda a información na web oficial do Xardín Botánico de Xixón.
    Mapa Xardín Botánico de Xixón Cyathea cooperi Acer palmatum Viridis Pyrus calleryana Gynkgo biloba Botánico de Xixón - Panorámica 2

    Joana Vasconcelos. Son o teu espello

  • 21.10.18
  • O Museo Guggenheim Bilbao presenta una selección de trinta obras realizadas desde 1997 por Joana Vasconcelos, a artista portuguesa máis internacional.
    Pezas de grandes dimensións vinculadas coa viada cotiá, cun sentido sempre irónico. Joana constrúe un universo de imaxes que abordan desde a inmigración á violencia de xénero.
    A obra que dá nome á exposición é unha enorme e sorprendente máscara veneciana creada por superposición de espellos. O título está tomado da canción escrita por Lou Reed, I'll be your mirror.

    Imaxes
    En terceiro lugar, "Marilyn", realizada en 2011, con potas e tapas de aceiro inoxidable e formigón.
    A continuación, "A todo vapor" (2012-2014), con ferros de vapor, sistema hidráulico de baixa presión e auga desmineralizada.
    En quinto lugar, "Solitario", obra de 2018, con lamias de aleación lixeira e vasos de whisky de cristal. Representa un anel de compromiso, un dos obxectos máis desexados do mundo.
    Finalmente, visitantes na parte exterior do museo.

    Todas as imaxes copyright Joana Vasconcelos, VEGAP, Bilbao, 2018.
    A fotografía de Joana foi realizada por Kenton Thatcher, copyright Unidade Infinita Projectos. As fotografías segunda e cuarta son de Luís Vasconcelos.

    Información detallada na web oficial do Museo Guggenheim Bilbao.

    Joana Vasconcelos - Foto Kenton Thatcher Máscara - Luís Vasconcelos Marilyn - 2011 A todo vapor - Foto Luís Vasconcelos Solitario Imaxe exterior do Museo Guggenheim Bilbao

    Tesouros da Lanzada

  • 30.9.18
  • Antonio Guillén é un escudriñador incansable da biodiversidade acuática.
    Agasállanos agora cunha escolma de imaxes de seres diminutos que viven na contorna mariña da Lanzada. Aí vai unha mostra de medusas, abanos e estrelas, fotografías tomadas todas elas en agosto de 2018.

    Por certo, Antonio Guillén dirixirá un obradoiro de observación e fotografía microscópica organizado pola Asociación de Antigos Alumnos e Amigos da Universidade de Santiago de Compostela.

    Imaxes: 
    1.- Soles de gelatina, Proboscidactyla. Praia da Lanzada.
    2.- Abanicos de mar, Licmophora flabelata. Praia da Balea.
    3.- La estrella que rizó el rizo, Asterionellopsis. Praia do Carreiro.
    4.- Cartel informativo da actividade "A vida baixo o microscopio", dirixida por Antonio Guillén Oterino, os días 5 e 6 de outubro.

    Información detallada das fotografías nas páxinas de Proyecto Agua (galería de Flickr) .

      SOLES DE GELATINA, PROBOSCIDACTYLA, PLAYA DE LA LANZADA LOS ABANICOS DE MAR, LICMOPHORA FLABELLATA, PLAYA DE BALEA LA ESTRELLA QUE RIZÓ EL RIZO, ASTERIONELLOPSIS, PLAYA DE CARREIRO A vida baixo o microscopio - Antonio Guillén
    Real Time Web Analytics