Balnearios de Galicia: Mondariz

De dúas fontes, Gándara e Troncoso, naceu en 1873 o balneario de Mondariz. Este proxecto familiar iniciado por Sabino Enrique Peinador Vela, foi culminado polo seu fillo Enrique Peinador Lines.
Na actualidade, dende o ano 1994, a sociedade Balneario de Mondariz reconstruiu o conxunto dos edificios, aos que hai que agregar un campo de golf (a pouca distancia do balneario, onde uns anos atrás Kiwi de Galicia estableceu unha plantación de 40 hectáreas).
Nas imaxes realizadas por Balneario de Mondariz e JOB, destaca a fonte de Gándara, o campo de golf, o pazo da auga, unha vista nocturna do edificio Palacios, a fachada restaurada do Gran Hotel e a escultura adicada a Enrique Peinador.