Corme e Laxe, na Costa da Morte

Emprego "Google Earth" para mostrar dende 22.000 pés de altura a ría de Corme e Laxe. Dúas recomendacións, ir andando de Corme ao Roncudo, e facer a rota do faro en Laxe. A costa do percebe é tamén a costa das cruces de pedra, en recordo de tantas persoas que quedaron no mar e non voltaron á súa terra. Ermida, Balarés, Rebordelo son praias únicas. Na de Laxe, excelente areal, sábese moi ben o que significa o nordés (pódese ver a súa orientación na imaxe seguindo a rosa dos ventos). Para pasar unha fin de semana, a proposta pode ser www.playadelaxe.com/

Máis información en http://earth.google.com/ e Aeroguía del litoral de Galicia (Editorial Planeta).

Na imaxe superior, a ría completa de Corme e Laxe; na intermedia, unha proxección de Corme co Roncudo; na inferior, Laxe, coa súa praia, porto e faro.