O Neves regresou a Galicia

Construiuse en Noia, en 1918. Foi un barco de carga no norte de Europa e no Mediterráneo, podía transportar nas súas adegas ata 100 toneladas. Despois de moitos avatares, acabou sendo un pailebote turístico nas illas Canarias. En 2005, o historiador marítimo Björn Arp e o empresario náutico Alfredo Fernández fixéronse co Neves para devolvelo a Galicia.
Agora pertence a empresa Acquavisión Galicia. Fai travesías polas rías altas e baixas galegas, con diversos programas culturais e de coñecemento do medio. Un auténtico embaixador da comunidade galega.

Nas imaxes, recóllese unha exposición de pintura nas adegas do Neves.

As súas características básicas son: Eslora, 32 metros máis 10 de bauprés; manga, 7 metros; velocidade: 9 nós; superficie vélica: 231 metros cadrados.