Castrolandín

Cuntis é terra de augas termais pero tamén de castros.

Hai un mínimo de 14 castros, Laxos, Meira, Bragaña, Arcos, Hervés, Montesandeu, Entrecastros, Piñeiro, Sobrada, Xinzo, Vilar de Mato, Castroloureiro, Castro Sebil e, por suposto, Castrolandín.

Para desenvolver os distintos traballos neste último xacemento, constituiuse no ano 2001 a fundación "Terra termarum", integrada pola asociación Amigos dos Castros, a comunidade de montes de Castrolandín e o Concello de Cuntis, coa dirección técnica de Felipe Criado.

En Castrolandín, destacan as vivendas castrexas circulares, aínda que tamén hai estruturas rectangulares.
Nunha das imaxes, pode observarse a ligazón visual do castro co monte Xesteiras.

Para máis información, podes consultar o traballo publicado polo Instituto de Estudios Galegos Padre Sarmiento, co título "Pasado e futuro de Castrolandín (Cuntis): unha proposta de recuperación e revalorización", coordinado por Xurxo Ayán Vila.