Xigantes do Raval

Os xigantes e cabezudos constitúen unha tradición popular nas festas locais, especialmente de Europa e América.

O máis común é que as figuras representen arquetipos populares ou personaxes históricas de relevancia local.

No caso de Barcelona, os primeiros xigantes están documentados no século XV.

En 1985, un grupo de veciños da rúa Guifré tomaron a iniciativa de realizar uns novos xigantes no Raval. A parella principal está formada por Ramón e Lola (primeira fotografía, os dous primeiros pola esquerda). Ramón foi un tendeiro moi querido polos veciños e Lola unha carniceira moi popular.

Outra das figuras singulares dos Gegants del Raval é o Nan Manolito (segunda fotografía), que data do 2002. Manolo foi un veciño que colaboraba e participaba nas actividades do barrio de Sant Just i Pastor.