Os instrumentos do Pórtico da Gloria

Onte inaugurouse no Museo das Peregrinacións de Santiago unha exposición sobre os instrumentos do Pórtico da Gloria, realizada polo Consorcio de Santiago coa colaboración da Fundación Barrié.

"Hai no Pórtico 24 anciáns e 21 instrumentos. Os anciáns non están tocando os seus instrumentos, non interpretan unha melodía, senón que os están afinando, pois algúns manipulan as cavillas, e tamén se pode ver a chave de afinar que utiliza un dos tanxedores do salterio. Dan a impresión de estar sentados por parellas, mirándose, falando ou dándose notas de referencia para a afinación".

Son as palabras de Francisco Luengo na publicación El Pórtico de la Gloria, música, arte y pensamiento, editado pola Universidade de Santiago coa colaboración do Consorcio. Un proxecto editorial dirixido por Carlos Villanueva, no que participaron Serafín Moralejo, José López-Calo, Eugenio Romero Pose e Sverre Jensen.

Francisco Luengo fai unha descrición completa dos instrumentos e da estrutura do grupo:

- No centro, o organistrum, o de tesitura máis grave.

- Aos dous lados, unha serie de instrumentos tanxidos, de tesitura media-grave (arpas, salterios e cítaras) e aguda (laúdes), flanqueados por outros de tesitura aguda (fídulas).

A realización dos instrumentos foi financiada pola Fundación Barrié.
Información sobre as visitas ao Pórtico da Gloria: web Catedral de Santiago. 
Exposición: Museo das Peregrinacións. De martes a sábado, de 10 a 14 horas e de 16 a 20 horas. Domingos, de 11 a 14 horas.

Imaxes:

1 - Organistrum

2 - Arpa-salterio

3 - Arpas

4, 5, 6 - Vistas exposición