Edu Pereira

Edu Pereira fusiona dun xeito singular a enxeñería coa fotografía. Combina e ilustra a imaxe en 2D con outras en 3D e os efectos especiais xerados por ordenador. Expón, publica en revistas especializadas e participa en campañas de moda e publicidade. Gañou un concurso infantil aos 8 anos e desde entón non deixou de retratar. 

Esta pequena homenaxe concrétase na publicación de tres traballos de liñas temáticas diferentes. A primeira ligada aos Piratas do Caribe e os recordos de nenez. A segunda da serie Cyborg, inspirada en Asimov, humanoides nos que afloran os medos, soedades... E finalmente unha imaxe que pon de manifesto a súa técnica, nun xogo de monocromías, fugas e luces, acompañadas da beleza e sensualidade da modelo.