Concurso artístico de fotografía científica.
O prazo da segunda edición remata o 3 de marzo de 2014. Participa!
O certame está organizado por un colectivo de científicos e investigadores universitarios, apoiados por educaBarrié da Fundación Barrié, Campus Vida da Universidade de Santiago e o Instituto de Investigacións Sanitarias de Santiago.
Toda a información na web oficial: investigarte.es
Imaxes destacadas da primeira edición:
- En primeiro lugar, Rodaballo X, na categoría Investigadores, Macrociencia. O autor é Jorge Hernández Uceda, do departamento de Ecoloxía e Diversidade Mariña, do Instituto de Investigacións Mariñas de Vigo. Radiografía dun rodaballo de 11 meses de idade.
- A continuación, Retina on fire, na categoría Investigadores, Microciencia. Autor: Xesús M. Abalo Piñeiro, de Uppsala University, Suecia. A fotografía representa unha sección radial dunha retina dun peixe cebra adulto. A liña de investigación trata de usar o peixe como modelo para a determinación de mecanismos moleculares causantes de certo tipo de deficiencias visuais.
- Finalmente, Punto de apoio, imaxe premiada na categoría Centros Educativos, Ilustración. Autora: Clara Martín Jiménez, de 4º ESO, do I.E.S. As Lagoas, de Ourense.
O esqueleto é o sostén do noso corpo. Os ósos dos pés soportan todo o peso e poden sufrir lesións.
O esqueleto é o sostén do noso corpo. Os ósos dos pés soportan todo o peso e poden sufrir lesións.
![la foto 3](https://farm4.staticflickr.com/3682/12546596073_80c1ec8635.jpg)
![la foto 2](https://farm8.staticflickr.com/7333/12546595493_123acb1ea2.jpg)
![la foto 1](https://farm6.staticflickr.com/5520/12546594993_9c7b3e550c.jpg)
0 comentarios:
Publicar un comentario