Ecomuseo de Arxeriz

Pertence á Fundación Xosé Soto de Fión e forma parte da Rede Museística de Galicia, en calidade de colección visitable.

Para coñecer a súa historia e horarios de visita, podes consultar a web oficial:

ecomuseodearxeriz.org

Nun dos recintos, podemos atopar unha magnífica exposición de embarcacións fluviais e comprobar o impacto dos encoros nos ríos e ribeiras.

No edificio principal hai unha exposición adicada á viticultura tradicional, na que destacan as cubas con arcos de madeira, realizadas polos especialistas da contorna.

Tamén se poden visitar as dependencias do pazo, e encontrar outras salas con contido etnográfico e prehistórico.

No exterior, sobresae o Castro de Arxeriz, coas súas escavacións recentes promovidas pola Fundación Xosé Soto de Fión.

O castro é un outeiro privilexiado desde o que se divisa o Miño, ao seu paso pola Cova e o Cabo do Mundo.