Mellor fotógrafo meteorolóxico 2016

A Royal Meteorological Society e a Royal Photographic Society outorgaron o premio ao mellor fotógrafo meteorolóxico do ano. 

Gañador do certame, Tim Moxon (Gran Bretaña), coa súa obra Tornado on show (primeira fotografía, abaixo).

Resultaron tamén premiados, na categoría de máis de 16 anos: 

Primeiro premio a Ben Cherry (GB), con Sprite lightning (segunda fotografía).

Segundo premio para Camelia Czuchnicki (GB), Cash of storms (terceira fotografía).

Terceiro premio a Andrew Bailey (GB), Freezing fog and hoar frost (cuarta fotografía).

Na categoría de menos de 16 anos, o gañador foi James Bailey (GB), Hailstorm and rainbow over the seas of Covehithe.

O premio do público foi para Paul Kingston (GB), coa súa fotografía Storms Cumbria (última imaxe).

Participaron máis de 800 fotografías do mundo enteiro. O xurado escolleu un total de 22 finalistas, que se poden ver na páxina web oficial da organización: 

weather-photo.org 

Tim Moxon fixo a súa fotografía nas altas chairas de Colorado, preto de Wray. Un momento épico para estes cazadores de tornados e furacáns. Como pode comprobarse, había máis persoas tratando de conseguir a mellor imaxe. Características técnicas: Canon 5DS-R cun obxectivo 24-105mm Canon f / 4 IS, 1/160, F5.6, 24 mm, ISO400. Día de realización: 4 de maio de 2016.

Copyright das fotografías: cada un dos autores, Royal Meteorological Society e Royal Photographic Society.
O meu agradecemento a Michael Pritchard, director xeral da Royal Photographic Society.