Olladas de luz

Exposición conxunta de Xulio Barreiro e Vito Diéguez, sobre os faros da Costa da Morte.

Organizada pola Asociación de Empresarios e de Promoción Turística de Camariñas.
Di Vito que "os faros son parte das miñas raíces, especialmente o faro Vilán". Os seus pais e a súa avoa sempre lle preguntaban: "Por que vas todos os días pola mañá e no solpor ao Vilán, se o faro é sempre o mesmo?". A resposta saíalle da alma: "Cada vez que chego ao faro é sempre un faro novo, xa que a luz é distinta, a forma das nubes, o brillo na paisaxe e tamén as cores do mar".

Podes ver a exposición durante o mes de agosto, en Cabo Vilán.
Curriculum dos autores na páxina oficial da Asociación de Empresarios.
A Asociación de Antigos Alumnos da Universidade de Santiago ten que organizar unha tertulia con estes dous artistas, para conmemorar o remate do Camiño dos Faros.

Imaxes
As dúas primeiras fotografías son da inauguración da exposición.
A terceira, Faro do Roncudo, copyright Xulio Barreiro.
A continuación, Algas do Vilán, copyright Vito Diéguez.
En quinto lugar, Faro Touriñán, copyright Xulio Barreiro.
E finalmente, Lanterna do Faro Vilán, copyright Vito Diéguez.