Hawaii e a biodiversidade

O clima e o illamento de Hawaii, situado en medio do Pacífico, a 2.400 millas do continente máis próximo, proporcionou un entorno especialmente benigno para a conservación da súa natureza e o desenvolvemento de especies que só se atopan neste punto da terra.
Nun principio, estas terras de orixe volcánico foron colonizadas por especies de lugares remotos que chegaron ás illas en forma de sementes transportadas polo vento, a auga ou as ás dunhas poucas aves capaces de percorrer semellantes distancias.
Co tempo e a diversidade de climas que ofrecen estas illas, as especies colonas evolucionaron ata transformarse, en moitos casos, en especies novas e exclusivas de Hawaii, que se converteu nun auténtico paraíso para o desenvolvemento dunha biodiversidade única no planeta.
Desafortunadamente, dende finais do século XVIII, coa introdución de plantas invasivas e animais depredadores, esta riqueza natural foi perdéndose, e a situación empeora día a día coa urbanización indiscriminada e a presión do turismo.
Segundo a UMNC (Unión Mundial para a Conservación da Natureza), 85 plantas endémicas (só atopadas en Hawai) atópanse hoxe en día en perigo de extinción.

Texto e fotografías: Noemí Iglesias Rodríguez
(flores de Plumeria, Hibisco e Buganvillea)