Amanita muscaria

Tempo de outono.
Hoxe traio un pequeno agasallo.
Unha das setas máis chamativas. Na primeira etapa é escarlata e despois de tonalidade laranxa.
Tóxica, contén varias substancias perigosas.

Cores de outono

Carpe diem.

Magnolia grandiflora

Fecundación do kiwi

O kiwi é unha planta dioica, cada planta ten un único sexo. As abellas transportan o pole das plantas masculinas ás femininas, onde medran os froitos. Este proceso de polinización cruzada e fecundación desenvólvese, no hemisferio norte, nos últimos días de maio.
Esta marabilla da natureza forma parte da vida segreda das plantas.

Nas fotografías, variedade Hayward, flores, froitos pequenos e froitos de dous meses.

Orquídea branca

Beleza en estado puro.

Melodía natural

Un agasallo da Asociación Española dos Fotógrafos da Natureza (AEFONA). Paisaxes, flora, fauna e imaxes submarinas constitúen o núcleo principal desta composición audiovisual, na que participan 84 fotógrafos da asociación.

Que cante o merlo

Inicia a reprodución.

72 horas de seguimento a unha parella de merlos con 3 poliños. Ela é pardo-grisácea, el totalmente negro. Recollen pequenos froitos, sementes e miñocas. Son magníficos arquitectos e construtores de niños. Comunícanse cos movementos do corpo e cos seus trinos.
Moita saúde e que cante o merlo.

Máis fotografías no álbum de Flickr.
O Ateneo Fotográfico actúa baixo o código ético dos fotógrafos da natureza (AEFONA) .

Praias do Cantábrico

As Catedrais e Oyambre, Galicia e Cantabria. Días de outono, novas cores, novos ventos, novas ondas,... o mar reéncontrase consigo mesmo, recupera toda a súa forza e manifesta a súa beleza.

Río Coura

Os sendeiros de Paredes de Coura están marcados polo seu río principal. Eduardo e José, de Sendereando, mostráronme este lugar tan fermoso, no que o Borzendes regala as súas augas ao río Coura (terceira fotografía).
Por certo, as árbores non entenden de regulamentos.

Cabárceno, unha realidade viva

Cabárceno é un parque da natureza que acolle aos animais en réxime de semiliberdade. Unha antiga explotación mineira de 750 hectáreas transformouse nun lugar de atracción turística, con fins educativos, culturais, científicos e recreativos.

O Courel, paraíso da biodiversidade

No día das Letras Galegas, no ano de Ramón Piñeiro, quero lembrar a Xesús Manuel Marcos co que subimos á devesa da Rogueira, paraíso galego da biodiversidade.
Falar do Courel, é falar de carballos, faias, abeleiras, teixos, acivros, pradairos, ameneiros; pero hoxe quero agasallarvos cunha imaxe do Sorbus aucuparia, "serbal dos cazadores", cornabude ou capudre. Moita saúde e que cante o merlo!

Drago milenario de Icod de los Vinos

Despois do audiovisual do Umia, recupero hoxe máis imaxes do arquivo fotográfico. As orixinais son diapositivas, realizadas en 1987.
O drago ("Dracaena draco") de Icod é unha das árbores monumentais das illas Canarias. Aí podes velo co Teide ao fondo.

Bonaval, un lugar único

Un lugar de contrastes entre a tradición galega (Museo do Pobo Galego) e a arte actual (Centro Galego de Arte Contemporánea). Un convento cun antigo cemiterio, que da paso a unha horta, un xardín, unha carballeira e moitas zonas verdes, integradas nun parque cheo de misterio e tranquilidade, de entradas e saídas, de fontes e muros de pedra.
Este espazo tan fermoso foi deseñado por Álvaro Siza e Isabel Aguirre en 1994.
A primeira das imaxes é a visión de San Agustín e as torres da Catedral dende a parte alta do Parque.
Bonaval, un lugar único no corazón de Compostela.

Solsticio de inverno

O solsticio de inverno chega ao hemisferio norte e o solsticio de verán ao hemisferio sur.
Subímonos á estación espacial internacional, para gozar destas imaxes realizadas polos astronautas.
A primeira é o atolón Nukuoro, unha das 607 illas da Micronesia. Aquí viven unhas 900 persoas, comunicadas unicamente por vía mariña.
A continuación, temos o deserto de Rub al Khali, cunha superficie maior que Francia. Pertence a Iemen, Omán e Emiratos Árabes Unidos.
Finalmente, o volcán Cleveland, un dos máis activos das illas Aleutianas, en Alaska.

Todos os dereitos reservados, imaxes propiedade da NASA.

Panorámicas dende Montouto

Estas fotografías son tres panorámicas realizadas dende Montouto, no solpor dun día de outono.
A primeira corresponde ao Pico Sacro, lugar cheo de lendas, no leste de Santiago. Máis ao sur, a serra do Candán, onde destaca a potencia dos seus muíños.
No suroeste, o Xiabre, que se abre paso entre Caldas, Catoira e Vilagarcía.
As distancias medias aproximadas aos tres puntos son 9, 35 e 25 quilómetros. As imaxes teñen un tratamento de ecualización.

Árbores caducifolias, cores de outono

Ameneiros, bidueiros, castiñeiros, todos eles perden a súa folla nestas datas.
Quero agasallarvos cunhas follas moi especiais, de carballo encarnado, Ginkgo biloba, tulipeiro de Virxinia e Liquidambar, verdadeira sinfonía de cores de outono.