Museo do Mar de Galicia

Proxecto arquitectónico de César Portela, encargado pola Xunta de Galicia.
Ubicado en Vigo, o Museo do Mar de Galicia é un lugar para comprender a vinculación histórica dos galegos co mar, a través do seu aproveitamento e coñecemento. 
Dispón de varios edificios de exposicións, acuario e faro. 

Máis información na web oficial do Museo. 
Imaxes: 
1.- Faro 
2.- Castro da Punta do Muíño (habitado na Idade de Bronce) 
3.- Interior edificio de exposicións 
4.- Prensa de salga 
5.- Grúas no exterior 

 

A leiteira de Vermeer

Un cadro que me hipnotiza. Unha obra única, feita por un mestre no tratamento da luz. Só 45 centímetros de alto e 41 de largo. Vermeer pintouno aproximadamente entre 1657 e 1658.
A súa casa actual é o Rijksmuseum de Amsterdam, pero hoxe está no Metropolitan de Nova Iorque, ata o 29 de novembro.
Podes ler o comentario de Antonio Muñoz Molina, en Babelia (El País).

Os tesouros do Museo Británico

O Museo Británico de Londres abriu as sús portas por primeira vez o 15 de xaneiro de 1759. Dende entón, traballa como centro de erudición internacional e na difusión de coñecementos para a educación.
A primeira das imaxes corresponde ao proxecto arquitectónico máis recente, o teito do patio principal, ideado por Norman Foster. A continuación, a pedra de Rosetta, un dos tesouros máis importantes do museo, permitiu descifrar os xeroglíficos exipcios. Na terceira fotografía, un faraón da dinastía Ramsés II. Pechan esta colección, un relevo asirio e o monumento das Nereidas.
Para máis detalles, enlaza co Museo Británico. Visitalo é a mellor maneira de introducirse nas culturas e civilizacións de todo o mundo.

Bonaval, un lugar único

Un lugar de contrastes entre a tradición galega (Museo do Pobo Galego) e a arte actual (Centro Galego de Arte Contemporánea). Un convento cun antigo cemiterio, que da paso a unha horta, un xardín, unha carballeira e moitas zonas verdes, integradas nun parque cheo de misterio e tranquilidade, de entradas e saídas, de fontes e muros de pedra.
Este espazo tan fermoso foi deseñado por Álvaro Siza e Isabel Aguirre en 1994.
A primeira das imaxes é a visión de San Agustín e as torres da Catedral dende a parte alta do Parque.
Bonaval, un lugar único no corazón de Compostela.