Ruta do Cares

Dende Las Arenas de Cabrales seguimos o val do Cares e chegamos a Puente Poncebos (imaxe de Google Earth). Aquí empeza esta senda única, que une Asturias e León, no corazón dos Picos de Europa. Un desfiladeiro cheo de encanto, unha obra mestra das paisaxes verticais, a natureza en estado puro.
O percorrido de ida e volta entre Puente Poncebos e Caín leva entre cinco e seis horas. Á vista de paxaro, a pouca distancia, érguese o Naranjo de Bulnes.

A Illa de Arousa, portos e praias

A Illa de Arousa vive do mar, pero tamén pode conseguir ingresos do turismo, derivados dos seus valores paisaxísticos e xeomorfolóxicos. O perímetro é unha sucesión de lugares con encanto, praias, acantilados, portos e masas forestais.
Colección completa de imaxes en Flickr

Bonaval, un lugar único

Un lugar de contrastes entre a tradición galega (Museo do Pobo Galego) e a arte actual (Centro Galego de Arte Contemporánea). Un convento cun antigo cemiterio, que da paso a unha horta, un xardín, unha carballeira e moitas zonas verdes, integradas nun parque cheo de misterio e tranquilidade, de entradas e saídas, de fontes e muros de pedra.
Este espazo tan fermoso foi deseñado por Álvaro Siza e Isabel Aguirre en 1994.
A primeira das imaxes é a visión de San Agustín e as torres da Catedral dende a parte alta do Parque.
Bonaval, un lugar único no corazón de Compostela.