Shinya Fukumoto no Fórum Gastronómico

A peneira ou orella de mar é un verdadeiro tesouro gastronómico, especialmente para os asiáticos.

Shinya Fukumoto estivo no Fórum Gastronómico da Coruña aportando a súa experiencia na preparación das orellas de mar. Shinya forma parte da cociña xaponesa máis innovadora, co seu restaurante Cá Sento (*** Michelín), de Kobe.

A empresa galega Galician Marine Aquaculture  é pioneira na produción de orella de mar, no mercado europeo. Na súa web podes encontrar máis detalles sobre este singular molusco. 

Máis información no número 5 da revista BenBo, dirixida por Miguel Vila, con fotografías de Soledad Felloza.

Para degustar algúns pratos en Galicia: Eirado da Leña (Pontevedra), de Iñaki Bretal.

Fórum Gastronómico Coruña 2015

Xa está aquí unha nova edición do Fórum Gastronómico. Será a quinta cita galega e a segunda que se celebra na Coruña.

Do 15 ao 17 de marzo, no recinto de ExpoCoruña.

Lume, brasa e grella constitúen as liñas temáticas que articulan un interesante programa de actividades protagonizadas por cociñeiros e especialistas galegos e do arco atlántico.

Toda a información na web oficial: forumcoruna.com

Imaxe: Gañadora do concurso de pulpeiras 2014 - María Isaura González. Copyright Xurxo Lobato, fotógrafo oficial do Fórum.

Rogelia, a cociña dos sentidos

En Amil (Pontevedra) hai un lugar para incondicionais.
Cociña, horta e música.
Rogelia é unha persoa que mima aos seus clientes. Tanto é así que algúns xa lle fixeron un altar.

Contacto para reservas: Casa Marcial - 986 538018
Menú degustación: 30-35 euros

Ecos do Fórum

A cuarta edición galega do Fórum Gastronómico celebrouse na Coruña, cun rotundo éxito.

Entre as múltiples imaxes, quero destacar aos mestres Juan Mari Arzak e Jordi Roca.

Nos ateneos e talleres, interviron moitos profesionais. Manuel Gago presentou a Javier Olleros, do Culler de pau, que fixo tres pratos moi entroncados coa terra e o mar (terceira e cuarta fotografías). Estivo acompañado por Adelina, unha horticultora que mima cada planta.

Unha vez máis, entregáronse os premios Picadillo e realizáronse talleres de cociña infantil e xuvenil.

Nesta edición tamén participou Óscar de Toro, experto en elaboración de cafés.

E para pechar esta breve colección de retratos, unha pequena homenaxe ás persoas que difunden os coñecementos e as imaxes do Fórum. En primeiro lugar, unha xornalista dunha axencia en plena faena, no seu particular centro de traballo. En segundo lugar, Xurxo Lobato, a quen fotografiei no auditorio. Unha escolma das súas obras pode contemplarse la web oficial do Fórum Gastronómico da Coruña.

Fórum Gastronómico Coruña 2014

O Fórum Gastronómico é o primeiro congreso de gastronomía que se celebra cada ano entre Galicia e Cataluña. 

A edición galega deste ano terá lugar na Coruña, os días 23, 24 e 25 de febreiro. A cidade reunirá cociñeiros de prestixio e grandes profesionais. Os talentos gastronómicos amosarán en ExpoCoruña as súas creacións e ofrecerán demostracións de cociña en directo.

Toda a información na web oficial: forumcoruna.com

Imaxes das edicións anteriores, celebradas en Santiago de Compostela:
En primeiro lugar, Miguel Vila pendente das palabras de Araceli Filgueira.
A continuación, Berta Castro entrevista a Palmira Acuña.
En terceiro lugar, Soledad Felloza presenta o taller de respostería monacal coas Irmás Elisabeth e Encarnación, do mosteiro de Ferreira de Pantón.
E finalmente, Pablo Valledor e Cristina Alcalá na sesión sobre o porco landrán.

Fórum gastronómico Santiago 2012

Primeira xornada cun programa moi completo para todos os públicos.
Pola mañá destacou o concurso de pulpeiras, no que resultou gañadora Palmira Acuña, da illa de Ons. E da tarde, destaco dúas instantáneas. A primeira corresponde á sesión "Unha paisaxe, un cultivo, unha cociña", protagonizada por Xoán Manuel Crujeiras e Manuel Gago. E a segunda, recolle o momento en que Miguel Vila escoitaba as palabras de Araceli Filgueira sobre Álvaro Cunqueiro e o libro de cociña galega editado en 1982. A continuación, entraron os cociñeiros e prepararon seis pratos. A festa continúa os días 27 e 28.
Toda a información na web oficial do Fórum gastronómico.
Na terceira das imaxes, Berta Castro do programa "Come e Fala" da Radio Galega entrevista a Palmira Acuña.

Fórum gastronómico 2012

Xa está aquí unha nova edición do Fórum gastronómico de Santiago de Compostela, que se celebrará do 26 ao 28 de febreiro.
Un programa para non perderse nada. Sesións de cociña en directo, obradoiros e degustacións guiadas, conferencias e debates, concursos e premios, expositores de produtos, obradoiros de cociña para nenos.
Toda a información na web oficial do certame: forumsantiago.com


Imaxes:
Composición propia con fotografías da edición de 2008. Pepe Solla e Flavio Morganti, na edición de 2010.Tamén estarán nesta ocasión.

Pazo de Altamira

Unha cociña para os sentidos. Bombón de chocolate e tarta de noz e plátano. Para ti M.A., moita sorte!
Fotos realizadas no Pazo de Altamira (Santiago de Compostela).

Repostería monacal

Estas imaxes corresponden ao taller de repostería monacal do Fórum gastronómico Santiago 2010.
Sesión dirixida por Soledad Felloza, coa participación das Irmás Elisabeth e Encarnación, do mosteiro de Ferreira de Pantón.
Unha marabilla coñecer o labor destas monxas de clausura, especialistas na elaboración de amendoados e coquiños.
Por certo, unha das últimas actividades do Ateneo de Santiago foi a realización dunha ruta dos conventos de clausura de Santiago de Compostela. O percorrido comezou no convento das Mercedarias e continuou por Belvís, Bonaval e Santa Clara.

Fotografías: A Irmá Elisabeth e Soledad Felloza, na sesión do Fórum; na segunda imaxe, as Irmás Elisabeth e Encarnación, e Soledad; na certeira, unha mostra dos coquiños; a continuación, unha fonte de Bonaval; finalmente, un dos muros do parque de Belvís. Máis imaxes na galería de Flickr.

Información moi detallada e comentarios: Capítulo 0, de Manuel Gago.

Fórum gastronómico Santiago de Compostela 2010

Cando foi a última vez que sentiches bolboretas no estómago?
En Santiago de Compostela, do 20 ao 24 de febreiro, tes unha magnífica oportunidade para emocionarte... congreso, feira e actividades paralelas, coa mostra "Ao pé do lar, memorias da cociña", organizada por Manuel Gago (Capítulo 0), no Museo do Pobo Galego.

Toda a información na web oficial do Fórum gastronómico de Santiago 2010. Composición de imaxes e fotografías da edición de 2008.

Rogelia, cociñeira e artista

En Amil (Moraña), Rogelia ofrece un menú degustación con múltiples especialidades e moitas sorpresas agradables. Todo un deleite para os sentidos.
Para tomar de pé, brochetas de froitas, sepia na súa tinta, molete campesiño, empanada de zorza con grelos, e así ata unha ducia de pratos fantásticos. E xa na mesa, porrusalda de bacallau, filloas recheas de morcilla e cogomelos, e carne asada ao estilo da avoa Carmen.

Imaxes dunha cea en Casa Marcial (986538018). Menú degustación e bebidas, de 30 a 40 euros. Máis fotos no álbum de Flickr.